आईसीसी महिला टी २० विश्वकप एसिया छनोट अन्तर्गत नेपालले मलेसियाविरुद्ध जितका लागि ९३ रनको लक्ष्य

आईसीसी महिला टी २० विश्वकप एसिया छनोट अन्तर्गत नेपालले मलेसियाविरुद्ध जितका लागि ९३ रनको लक्ष्य

१० मंसिर, काठमाडौं । आईसीसी महिला टी २० विश्वकप एसिया छनोट अन्तर्गत आफ्नो चौथो खेलमा नेपालले मलेसियाविरुद्ध जितका लागि ९३ रनको लक्ष्य पाएको छ । दुबईमा जारी खेलमा टस हारेर ब्याटिङको निम्तो पाएको मलेसियाले निर्धारित २० ओभरमा सात विकेट गुमाउँदै ९२ रन बनाएको हो ।

मलेसियाका लागि एल्सा हन्टरले अविजित ३९ रन बनाइन् । नेपालका लागि सबनम राईले २ तथा कविता कुँवर, सीता राना मगर र कप्तान रुबिना क्षेत्रीले समान १ विकेट लिए । नेपाल लगातार तेस्रो जित हात पार्ने योजनामा छ । पहिलो खेलमै हङकङसँग पराजित भएको नेपालले त्यसयता भुटान र कुवेतलाई सहजै हराएर शीर्ष स्थानमा रहेर ग्लोबल क्वालिफायर पुग्ने सम्भावना कायमै राखेको छ ।

- १० मंसिर २०७८, शुक्रबार १३:३३ मा प्रकाशित